KOCHA Msaidizi wa Simba,
Jackson Mayanja, amesema JKT Ruvu, inayomilikiwa na Jeshi la Kujenga
Taifa ni noma, kwani si timu ya kuidharau katika Ligi Kuu ya
Vodacom Tanzania Bara.
Mayanja amesema kikosi hicho kimeonekana kujipanga msimu huu
tofauti na ule uliopita, baada ya juzi kutoka suluhu katika mchezo wa mzunguko
wa kwanza wa ligi hiyo, uliochezwa kwenye Uwanja wa Taifa, jijni Dar es Salaam.
Alisema kuwa mfumo walioingia nao uwanjani JKT Ruvu ilikuwa
ni vigumu kwao kupata matokeo ya ushindi,
licha ya mara kwa mara kufika langoni mwao.
“Mchezo ulikuwa mgumu, kwani tulijaribu kufunga, lakini bahati haikuwa upande wetu, na hii
imetokana na jinsi walivyojipanga JKT Ruvu na
inaonyesha kuwa ligi ya msimu huu si rahisi,” alisema.
“Matokeo haya tuliyoyapata yanatupa mwanga vipi ligi ilivyo
na hivyo tunatakiwa kujipanga ili kutoruhusu makosa yaliyojitokeza yasiweze
kutokea tena, lakini mipango yetu msimu huu ni kuona tunapata ushindi katika
kila mechi,” alisema.
Kwa matokeo hayo, Simba wanashika nafasi ya pili wakiwa na
pointi nne, sawa na Azam wanaoongoza katika msimamo wa ligi hiyo, lakini
wakitofautiana mabao ya kushinda na kufungwa.
Post a Comment