SAA chache
baada ya kuaga rasmi michuano ya Kombe la Shirikisho Barani Africa, mabingwa
watetezi wa Ligi Kuu Tanzania Bara, Yanga sasa wanaelekeza hasira zao katika
Ligi Kuu ili kutetea taji lao linalowaniwa vikali.
Yanga
ilikamilisha mchezo wa robo fainali jana dhidi ya TP Mazembe kwa kufungwa mabao
3-1 mjini Lubumbashi na sasa inarejea nyumbani ikipania kuwapoza mashabiki wake
kwa kutetea ubingwa huo wa Ligi Kuu.
Kocha Mkuu
wa Yanga Hans Van Pluijm, akizungumza mara baada ya mchezo huo alisema, mwisho
wa safari yao katika michuano hiyo ndiyo mwanzo wa kujipanga upya kuelekea
msimu ujao ambapo kwa sasa akili zao inabidi wazihamishie katika michuano hiyo
mikubwa nchini.
“Tumehitimisha
safari yetu kwenye Kombe la Shirikisho lakini vita iliyo mbele sasa ni kutetea
ubingwa wetu kwenye Ligi Kuu ili kuwapoza mashabiki wetu,”alisema.
Alisema,
wanarejea nchini wakiwa na kazi moja tu kutetea ubingwa wao na kujipanga na
michuano mingine iliyo mbele yao.Yanga inatarajia kukipiga na African Lyon
Jumapili hii uwanja wa Uhuru jijini Dar es Salaam ukiwa ni mchezo wake wa
kwanza tangu Ligi Kuu Bara ianze Agosti 20 mwaka huu.
Post a Comment