KIKOSI cha Simba chini ya Mcameroon, Joseph Omog, kesho
Alhamisi kinatarajiwa kusafiri kutoka jijini Dar kwenda Dodoma kucheza mchezo
wa kirafiki dhidi ya Polisi Dodoma ya mkoani humo.
Mchezo huo wa kirafiki unatarajiwa kupigwa Jumamosi hii
kwenye Uwanja wa Jamhuri, Dodoma.
Ofisa Habari wa Simba, Haji Manara, alisema wameupokea
mwaliko huo kwa mikono miwili kwani kutokana na ligi kusimama, watautumia
mchezo huo kwa kukipima kikosi chao.
“Alhamisi (kesho)
timu itaelekea Dodoma kucheza mchezo wa kirafiki dhidi ya Polisi Dodoma,
tumepata mwaliko huu kutoka katika Chama cha Soka Mkoa Dodoma (Dorefa) chini ya
mwenyekiti wake, Mulamu Ng’ambi.
“Tunaunga mkono mpango wa Rais Magufuli wa kuhamia Dodoma na
katika mchezo wetu huo, mgeni rasmi anatarajiwa kuwa Waziri Mkuu, Kassim
Majaliwa na tutabeba bango kubwa kuonyesha kumuunga Magufuli katika mpango wake
huo,” alisema Manara.
Post a Comment