WAWAKILISHI wa
Tanzania kwenye michuano ya kimataifa ngazi ya Klabu, Yanga leo wamerejesha
matumaini ya kutinga hatua ya nusu fainali ya michuano hiyo baada ya kupata
ushindi wa bao 1-0 dhidi ya Mo Bejaia.
Bao pekee la
Yanga lilifungwa na Amissi Tambwe raia wa Burundi katika dakika ya nne ya
mchezo huo uliokuwa wa kuvutia huku ukishuhidiwa Yanga ikikosa mabao mengi ya
wazi kupitia kwa washambuliaji wake.
Kabla ya
mchezo wa leo dhidi ya Waarabu hao, Yanga ilikuwa na alama moja huku ikiwa
imeshuka dimbani mara nne. Pointi hiyo moja waliipata katika sare dhidi ya
Medeama ya Ghana kwenye Uwanja wa Taifa, Dar ambapo walifungana bao 1-1.
Kwa ushindi
huu wa leo, Yanga sasa wamefikisha alama nne huku wakiwa bado mkiani lakini
sasa wanatakiwa kuiombea TP Mazembe iifunge Medema ambayo itakuwa kwenye uwanja
wake wa nyumbani hapo kesho.
Lakini huku
ikiombea Medema wafungwe Yanga na yenyewe itatakiwa kuifunga Mazembe kwenye
mchezo wake wa mwisho utakaopigwa Agosti 23 huko Lubumbashi DR Congo huku
ikiombea sare mechi ya Mo Bejaia na Medeama itakayopigwa siku hiyohiyo huko Algeria.
Post a Comment