MSHAMBULIAJI
nyota wa zamani wa Arsena ambaye kwa sasa ni mchambuzi kwenye runinga ya SKY
Sports, Thierry Henry amewataka nyota wa kikosi hicho, Theo Walcott na Alex
Oxlade-Chamberlain kuboresha viwango vyao.
Arsenal bado
inahaha kwa mwaka wa 12 sasa kuhakikisha inatwaa ubingwa wa EPL.
.
Henry
alisema anataka kuona Walcott anaongeza juhudi zaidi katika nafasi anazocheza
iwe winga au mshambuliaji wa kati ili kuisaidia timu yake hiyo huku pia
akimgusia Chamberlain kuwa anapaswa kuboresha kiwango chake pia.
“Nataka kumuona Theo akiwa katika kiwango bora
muda wote, akiwa anacheza kama winga ama katikati. Nataka kumuona akizikabili
vilivyo timu pinzani kama ambavyo walifanya Jamie Vardy, Dimitri Payet na Riyad
Mahrez msimu uliopita.”
Cha
kushangaza zaidi ni pale Henry aliposema kwa miaka kumi sasa tangu Theo aanze
kucheza Arsenal hajui ni nafasi gani inamfaa kwa kuwa amekuwa katika kiwango
ambacho hakieleweki.
Post a Comment