KATIKA kujiandaa
na Ligi ya Mabingwa Ulaya msimu ujao, mabingwa wa England, Leicester City,
wameweka mezani pauni milioni 40 kunasa saini za viungo Yannick Bolasie wa
Crystal Palace na Troy Deeney wa Watford.
IMERIPOTIWA Arsenal
imetenga kitita cha pauni milioni 30 kutaka saini ya fowadi wa Liverpool, Daniel
Sturridge, 26, wakati wa uhamisho wa dirisha kubwa kwa ajili ya msimu ujao.
VIGOGO Manchester
United, Chelsea na Arsenal wapo kwenye vita kali kumuwania beki wa PSG, Marquinhos,
ambaye ameripotiwa kuwa punde tu baada ya mchezo wa Kombe la French Mei 21, ataomba
kuachwa na kikosi hicho.
IMERIPOTIWA
Chelsea imeingilia vita ya Barcelona ya kumnyemelea Mfaransa, Hatem Ben Arfa wa
Nice ya Ufaransa wakitaka awe mbadala wa Oscar ambaye yupo kwenye hatua nzuri
kumalizana na mabingwa wa Italia, Juventus.
KIPA wa
zamani wa Arsenal, Wojciech Szczesny anayekipiga Roma, anaamini kiungo anayetakiwa
na Chelsea, Radja Nainggolan ni chaguo sahihi kuhimili mikikimikiki ya Ligi Kuu
England.
KOCHA wa Crystal
Palace, Alan Pardew, amesema atasaini mkataba mpya wa kuendelea kukinoa kikosi
hicho, hiyo ni baada ya ushindi wa mabao 2-1 dhidi ya Stoke juzi Jumamosi na
kujihakikishia nafasi ya kubakia ligi kuu msimu ujao.
KOCHA mpya
wa Chelsea, Antonio Conte, ameeleza kutaka huduma ya fowadi wa Southampton,
Graziano Pelle katika kikosi chake msimu ujao. Imeripotiwa The Blues wametenga
pauni milioni nane kukamilisha dili hilo.
KOCHA wa
Manchester City anayemaliza mkataba wake, Manuel Pellegrini ana imani atapata
kibarua kingine katika moja ya timu za Ligi Kuu England baada ya kuachana na
City mwishoni mwa msimu huu.
Post a Comment