MENEJA wa
wanamichezo mbalimbali nchini, Juma Ndabila amesema mshambuliaji wa Simba SC,
Ibrahim Ajib ataanza majaribio Jumatatu katika Klabu ya Amazulu ya Ligi Kuu ya
Afrika Kusini.
Tayari Ajib na
Ndabile wapo, Durban makao makuu ya klabu hiyo baada ya kuwasili, jana
wakitokea Dar es Salaam.
"Mipango
ya awali ilikuwa tumlete Kaizer Chiefs, lakini huyu wakala huku kasema bora
aanzie Amazulu ambako ana nafasi kubwa ya kufanikiwa," amesema Ndabila.
Ajib aliondoka
nchini jana asubuhi, ikiwa ni siku moja tangu atolewe kwa kadi nyekundu katika
mchezo wa Ligi Kuu ya Vodacom Tanzania Bara timu yake, Simba ikilala 1-0 mbele
ya Mwadui FC ya Shinyanga Uwanja wa Taifa, Jumapili.
Na kwa
sababu kwa kadi Ajib asingeweza kucheza mechi mbili kati ya tatu za mwisho za
Simba, akaona ni wakati muafaka kutimiza mpango wake wa kwenda kujaribu bahati
yake sehemu nyingine.
####binzubery
Post a Comment