Na Ariana
Yohana
KIPA wa Barcelona,
Marc-Andre ter Stegen amesema kuwa atabaki Nou Camp msimu ujao licha kuwa na
tetesi za kutakiwa na klabu mbalimbali zikiwemo Manchester City na Liverpool za
England.
Kipa huyo
raia wa Ujerumani alizungumza hayo kwenye mtandao wa klabu na kusema ana furaha
klabuni hapo na anataka kuendelea kubaki Barca.
Mtandao
mwingine ulidai kuwa kipa huyo mwenye miaka 24, yupo tayari kuondoka kikosini
hapo mwishoni mwa msimu huu na kujiunga na Pep Guardiola kwenye kikosi cha Man City.
Guardiola
aliripotiwa kuwa anataka kuipiku Liver na kutoa pauni milioni 20 ili impate nyota
huyo na huo utakuwa usajili wa kwanza mara baada ya kutua kikosini humo
mwishoni mwa msimu huu.
Inadaiwa ter
Stegen hafurahishwi na namna anavyopata nafasi kiduchu ya kucheza huku yeye
akiwa kama back-up ya Claudio Bravo kwenye La Liga na nafasi kubwa ya kucheza anayo
kwenye UEFA (wameshatolewa) na Copa del Rey.
Post a Comment