Everton wameanza kumfuatilia mshambuliaji wa West Brom Saido Berahino, 22, ambae anatajwa kuwa na thamani ya paundi millioni 12 kuja kuziba nafasi ya mshabuliaji Romelu Lukaku, 23, ikiwa ataondoka hapo Goodison Park. Tayari Paris Saint Germain wameshaonyesha nia ya kumtaka Lukaku ambae alidai kuwa anataka kucheza klabu itakayoshiriki UEFA Champions League. (Chanzo Sun)
PSG wameanza kumfuatilia mshambuliaji wa Manchester United Anthony Martial na wanaaini dau la paundi millioni 60 litatosha kumng’oa mchezaji huyo mwenye umri wa miaka 20. (Chanzo L’Equipe kupitia Daily Express)
Everton watamchukua David Moyes ikiwa watashindwa kumpata kocha wa Ajax aliyepita Frank de Boer. (Chanzo Daily Express)
Mshambuliaji wa Liverpool Mbelgiji Christian Benteke, 25, hatokuwepo Anfield msimu ujao, hii ni kwa mujibu wa mchezaji wa Derby Country, Dean Sturridge – mjomba wa mshambuliaji wa Liverpool Daniel Sturridge. (Chanzo NBC, kupitia Daily Star)
Zlatan Ibrahimovic, 34, ambae amekuwa akifukuziwa na Manchester United amesema tayari anajua wapi ataenda kucheza msimu ujao baada ya kutangaza rasmi kuwa ataondoka Paris St-Germain, Lakini mshambuliaji huyo wa Sweden amekataa kuweka wazi wapi ataelekea kwa msimu ujao. (Chanzo Beln Sports, kupitia Metro)
Mzee Arsene Wenger anataka kuongeza wachezaji watatu kwenye kikosi chake cha Arsenal msimu ujao. (Chanzo Daily Star)
Wenger anaamini kuwa Stan Kroenke mwanahisa mkubwa wa Arsenal atatoa pesa za kutosha kadri ya atakavyohitaji ili kuhakikisha anamisuli ya kung’oa wachezaji anaowataka kipindi cha dirisha la usajili na kujenga kikosi cha ushindi msimu ujao. (Chanzo Evening Standard)
Winga wa Newcastle Andros Townsend, 24, inasemekana ndiye anayeweza kuitwa kwenye kikosi cha Roy Hodgson ambacho kitakuwa na wachezaji 23 kwenye fainali za Euro 2016 badala ya mshambuliaji wa Sunderland Jermain Defoe. (Chanzo Daily Mirror)
Mchezaji wa kimataifa wa Colombia Radamel Falcao, 30, ambae kwa sasa yuko kwa mkopo Chelsea, atarudi Monaco msimu ujao, hii ni kwa mujibu wa makamu wa raisi wa Monaco Vadim Vasilyev. (Chanzo Goal.com)
Beki wa Everton Phil Jagielka, 33, amesema wachezaji wa klabu hiyo ya Goodison Park si wakulaumiwa kufuatia kutimuliwa kwa kocha Roberto Martinez. (Chanzo Liverpool Echo)
Kocha wa Leicester City Claudio Ranieri amesema kuwa mmiliki wa Chelsea Roman Abromovich yeye binafsi alimkaribisha tena hapo Stamford Bridge kabla ya sare ya 1-1 na the Blues siku ya jana Jumapili. (Chanzo Evening Standard)
Kocha wa Watford ambae ataondoka klabuni hapo Quique Sanchez Flores amesema “anawapenda” mashabiki wa klabu hiyo na ataendelea “kuwakumbuka daima kichwani mwake”. (Chanzo Watford Observer)
Mabingwa Leicester City watatumia mabasi manne kwenye paredi ya kuzunguka na kombe lao la Premier League kwenye jiji. (Chanzo Sun)
Atletico Madrid wako kwenye mazungumzo ya kumuongezea mkataba mshambuliaji wao Antoine Griezmann. Mfaransa huyo ambae anamiaka 25 amesema hatafanya mazungumzo ya uhamisho na kocha wa Real Madrid Zinedine Zidane. (Chanzo FourFourTwo)
Kocha wa mpito wa Chelsea Guus Hiddink amesema “haitakuwa rahisi” kwa kocha ajaye wa the Blues Antonio Conte kuiwezesha klabu hiyo kurudi tena kwenye big 4. (Chanzo Times)
Wanachama wa Manchester United wamemlipia shabiki wa timu hiyo kutoka Sierra Leone, ambae alisafiri hadi England kuja kushuhudia mechi zidi ya Bournemouth ambayo iliahirishwa siku ya jana Jumapili. wanachama hao waliguswa na kuamua kumlipia tena Moses gharama za kuja kushuhudia fainali yao ya kombe la FA itakayopigwa Wembley mwishoni mwa wiki ijayo. (Chanzo Daily Mirror)
Unataka tukuletee tena habari hizi hapo kesho? Basi acha uchoyo, Gonga “LIKE” halafu “SHARE” na marafiki zako wapenda soka.
Habari hizi zinapatiakana kila siku kwenye page yetu ya “Spotibez”, LIKE page yetu ili usipitwe na habari mpya za soka kutoka Ligi mbalimbali barani Ulaya na hapa Bongo. Kwa habari nyingine zaidi tembelea http://tanzaniabettingarena.blogspot.com/
Post a Comment