Eliah Yohana
BAYERN Munich imetwaa ubingwa wa 25 wa Ligi Kuu
Ujerumani baada ya kuifunga FC Ingolstadt 04 mabao 2-1 katika mchezo uliochezwa
wikiendi iliyopita kwenye Uwanja wa Audi Sportpark. Bayern pia imeweka rekodi
ya kutwaa taji hilo mara nne mfululizo.
Bayern imefikisha pointi
85 baada ya kucheza mechi 33, ambazo haziwezi kufikiwa na timu yoyote ile kwani
nafasi ya pili ipo Borussia Dortmund yenye pointi 77. Zote zimebakiza mechi
moja.
Robert Lewandowski aliifungia Bayern mabao yote mawili
akianza na la kwanza dakika ya 15 kwa njia ya penalti na lingine alifunga
dakika ya 32.
Kwa mabao aliyoifungia Bayern juzi, Lewandowski amefikisha idadi ya mabao 29 na
kuongoza katika orodha ya wafungaji wa Bundesliga akifuatiwa na Pierre-Emerick
Aubameyang wa Borussia Dortmund mwenye mabao 25.
Post a Comment