NYOTA wa Real Madrid, Cristiano Ronaldo amefikisha mashabiki milioni 200 katika mitandao ya kijamii akimuacha mbali mpinzani wake uwanjani Lionel Messi wa Barcelona mwenye mashabiki milioni 122.
Ronaldo, amejitwalia mashabiki hao katika mitandao mbalimbali ya kijamii ambapo katika akaunti yake ya Twitter ana mashabiki milioni 42 na wengine waliobaki wapo Facebook na Instagram.
Ukiachana na Messi mwenye mashabiki milioni 122 katika mitandao yote, mwanamichezo anayefuatia ni mcheza mpira wa kikapu, Lebron James mwenye mashabiki milioni 69.
Ukiwajumuisha kwa pamoja mastaa wa mpira wa kikapu wa sasa na wa zamani kuanzia, James, Michael Jordan, Kobe Bryant, Kevin Durant na Stephen Curry wote wana mashabiki milioni 187.
Hata ukijumlisha idadi ya mashabiki wa wachezaji wa Ligi ya Soka Marekani (MLS) wanaofuatilia akaunti zao za Twitter ni zaidi ya milioni 80 lakini hawajafikia jumla ya Ronaldo.
Post a Comment