TETESI ZA SOKA ULAYA

SANDRO

Sporting

KIUNGO wa Queens Park Rangers, Sandro, 27, amefeli vipimo vya afya kwenye Klabu ya Sporting Lisbon licha ya kuwa alishakubaliana na timu hiyo mkataba wa miaka mitatu. QPR ambayo inashiriki daraja la kwanza, imeripotiwa kutumia nguvu kuhakikisha wanamuuza nyota huyo anayepokea mshahara wa pauni 50,000 kwa wiki kwenda Lisbon kabla ya dili kubuma kutokana na kugunduliwa ana matatizo ya goti.

CHANZO: Independent

Sane

Man City

MANCHESTER City imeingia kwenye vita na Manchester United ya kumuwania winga wa Schalke 04 ya Ujerumani, Leroy Sane, 20, ambaye thamani yake inatajwa kuwa ni pauni milioni 40. United pia inamuwania straika wa FC Basel, Breel Embolo.

CHANZO: Suddeutsche Zeitung

Morata

Arsenal

MSHAMBULIAJI wa Juventus, Alvaro Morata ameziambia timu zinazomtaka zikiwemo za Arsenal na Chelsea kuwa anataka kulipwa walau pauni milioni 6 kwa mwaka bila kujali atatua klabu gani.  

CHANZO: Gazzetta dello

Gomes

Man United

MENEJA wa Manchester United, Jose Mourinho ana mpango wa kumsajili kiungo mchezeshaji wa Valencia, Andre Gomes kwenye usajili huu wa majira ya joto. Nyota huyo anapatikana kwa dau la pauni milioni 51.4 ili iweze kumuachia nyota huyo. Inaripotiwa kuwa Chelsea imetoa pauni milioni 32 ili ipatiwe staa huyo lakini imekataliwa.

CHANZO: The Daily Star

Mendy

Leicester

LEICESTER imeanza mkakati wa kupata mrithi wa kiungo wake, N'Golo Kante ambaye ametajwa kutaka kuondoka kwa mabingwa hao wa EPL, kwa kutenga pauni milioni 12 zitakazotumika kumsajilia kiungo wa Nice, Nampalys Mendy.

CHANZO: Daily Mirror

Payet

West Ham

WEST Ham imeingia hofu kuhusiana na klabu kadhaa zenye ushawishi mkubwa wa fedha kuweza kumrubuni kiungo wao, Dimitri Payet ambaye amekuwa kwenye kiwango cha juu kwenye Michuano ya Euro inayoendelea nchini Ufaransa. Klabu za Chelsea na Real Madrid zinamtolewa macho ya matamanio nyota huyo Mfaransa.

CHANZO: Daily Mirror                                  

Draxler

Mourinho

KOCHA wa Manchester United, Jose Mourinho ameonyesha nia ya kutaka kumnunua mshambuliaji wa Wolfsburg, Julian Draxler lakini klabu yake inataka kupata fedha zaidi kwani nyota huyo alijiunga na kikosi hicho msimu uliopita kwa dau la pauni milioni 25.5 kutoka Schalke 04 kwa mkataba wa miaka mitano.

CHANZO: Bild 

                                                  

Embolo

Man United

MANCHESTER United imepeleka ofa ya pauni milioni 28 ili iweze kumnunua kiungo wa FC Basel, Breel Embolo kwenye msimu huu wa majira ya joto. Man United kwa sasa ipo kwenye marekebisho ya kikosi chake tayari kwa msimu mpya wa Ligi Kuu England.

CHANZO: Bild