 |
| MENDES |
MANCHESTER, England
KAPATIKANA na hakuna namna. Kocha wa
Manchester United, Jose Mourinho anajulikana kwa maneno mengi na ujanja mwingi
lakini safari hii hana jinsi inabidi awe mdogo kwa wakala Mino Raiola.
Mara nyingi Mourinho anafanya kazi na
wakala Jorge Mendes lakini wakati huu inamlazimu kumuangukia Mino ili amfanyie
kazi ya kuwapata nyota anaowataka ambao wapo chini yake.
Mendes ni wakala wa Mourinho pia,
lakini wachezaji wote nyota wanaowaniwa na Man United wakati huu wapo chini ya
Mino, hivyo yeye hana kazi.
 |
| MOURINHO |
Mourinho anawahitaji kwa njia yoyote
wachezaji Zlatan Ibrahimovic aliyemaliza mkataba PSG, Paul Pogba wa Juventus,
Henrikh Mkhitaryan wa Borussia Dortmund na sasa Julian Draxler wa Wolfsburg ya
Ujerumani.
Habari zinasema Mourinho ameshaanzisha
mazungumzo ya karibu na Mino ili amrahisishie kuwapata wachezaji hao kwa ajili
ya kuimarisha kikosi chake kwa kuanzisha chokochoko za chinichini.
Tayari Mino ameshasema kiungo
mshambuliaji Mkhitaryan anataka kuihama klabu yake wakati Dortmund imesema
haina mpango wa kumuuza.
Mourinho anaamini Mino ana nguvu kubwa
ya ushawishi kwa Ibrahimovic ambaye amemsimamia tangu alipokuwa mchezaji
chipukizi kama ilivyo kwa Pogba raia wa Ufaransa.
 |
| ZLATAN |
Mara nyingi katika mambo yake mengi ya
usajili Mourinho amekuwa akimtumia Mendes ambaye pia ni wakala wa Cristiano
Ronaldo ili kufanikisha kazi zake hasa kwa wachezaji wanaomilikiwa na wakala
huyo maarufu.
Wachezaji wengine walio chini ya Mino
ni Mario Balotelli na Romelu Lukaku.
Post a Comment