MTIBWA HAITAMBUI USAJILI WA DANTE YANGA

DANTE AKIWA MAZOEZI YA YANGA JANA

KLABU ya Mtibwa Sugar imesema haijapata taarifa juu ya usajili wa mchezaji wao Andrew Vicent ‘Dante’ aliyesajiliwa na Yanga hivi karibuni. Vicent ni miongoni mwa wachezaji wanne waliotajwa kusajiliwa na Yanga huku wengine wakiwemo Juma Mahadhi, Ben Kakolanya na Hassan Kessy.


Msemaji wa Mtibwa Sugar, Thobias Kifaru alisema anasikia tetesi kuwa mchezaji huyo amesaini Yanga, lakini hajapata taarifa rasmi kutoka kwa Mkurugenzi wake Jamal Bayser kama ni kweli ameshatua katika klabu hiyo.

“Bado sijapata taarifa rasmi za mchezaji huyo, lakini nimesikia tu tetesi kwamba Yanga wamemchukua, labda Mkurugenzi wangu atakuwa anajua, mimi bado sijapewa taarifa zenye uhakika,” alisema.
Kifaru alisema suala zima la usajili wa wachezaji litafahamika baada ya kupata ripoti kamili ya Kocha wao Mecky Maxime ndani ya wiki hii.