BUENOS AIRES, Argentina
NGULI wa soka nchini Argentina, Diego Maradona
amesema kuwa wale wanaomfananisha na straika wa Inter Milan, Mauro Icardi
wanakosea kwa kuwa kwake Icardi ni ‘mfu’, hivyo hajui chochote kuhusu mtu huyo.
Maradona amesema kuwa tangu Icardi aingie
katika mgogoro na aliyekuwa mchezaji mwenzake, Maxi Lopez, kuhusu maisha yao
binafsi, alimdharau Icardi na tangu hapo aliacha kumfuatilia kwa kuwa yeye ni
shabiki wa Maxi.
Kauli hiyo imekuja kwa kuwa miaka kadhaa ya
nyuma Icardi na Maxi walikuwa pamoja katika timu ya Sampdoria, ambapo Lopez
alijikuta akiachana na aliyekuwa mkewe, Wanda Nara, kutokana na ubainika kuwa
na uhusiano wa kimapenzi na shemeji yake huyo (Icardi).
Tangu hapo Maxi na Icardi wamekuwa waadui na
hawajawahi kusalimiana kwa kupeana mikono kila wanapokutana katika mechi kwa
kuwa sasa Maxi anaichezea Torino.
Maradona alitoa kauli hiyo baada ya kuulizwa
ushauri wake juu ya Icardi kuitwa katika timu ya taifa ya Argentina ambayo
itashiriki kwenye michuano ya Olimpiki.
“Kwangu Icardi hayupo, ni mtu mfu, mimi ni
shabiki wa Maxi Lopez. Huwezi kuwa na rafiki wa aina hiyo, unamsaidia,
unamlisha, unamweka kwenye nyumba yako kisha anafanya ujinga kama aliofanya yeye,
huwa sipendi watu ambao hawana moyo mzuri kama hao,” alisema Maradona.
Post a Comment