Jina la Arsene Wenger liko juu kabisa katika orodha ya chama
cha soka cha England - FA- kuziba nafasi ya Roy Hodgson aliyejuzulu umeneja wa
England baada ya kutolewa kwenye michuano ya Euro 2016 (Daily Star), mabingwa
wa Ligi Kuu ya England Leicester City wanakaribia kumsajili winga kutoka
Ireland, Roby Brady, 24 anayechezea Norwich (The Sun), Manchester United
wameongeza dau na kufikia pauni milioni 35 kumtaka kiungo mshambuliaji Henri
Mkhitaryan, 27, kutoka Borussia Dortmund (Kicker).
Meneja wa Manchester City Pep Guardiola atajaribu
kufanikisha uhamisho wa beki wa Everton John Stones, 22 na mshambuliaji wa
Celta Vigo Nolito, 29, ambao wote timu zao zimetolewa kwenye Euro 2016
(Manchester Evening News), Nolito, anasafiri kwenda Manchester kwa ajili ya mazungumzo
huku akikaribia kukamilisha uhamisho wake kwenda Manchester City kwa pauni
milioni 13.8 (The Telegraph).
Mshambuliaji kutoka Argentina Gonzalo Higuain, 28,
hatoongeza mkataba wake Napoli kwa mujibu wa wakala wake (Radio Continental),
rais wa heshima wa Inter Milan, Massimo Morati ameitaka klabu yake kumsajili
Dimitri Payet kutoka West Ham, baada ya wamiliki wapya wa Inter kutoka China
kutoa kitita kikubwa cha usajili (The Mirror).
Southampton huenda wakawazidi Stoke City katika kumsajili
mshambuliaji wa West Brom Saido Berahino, 22, kwa kutoa pauni milioni 16 (The
Sun), kipa wa Newcastle, Tim Krul, 28, huenda akajiunga na Middlesbrough,
wakati Rafa Benitez akijiandaa kukamilisha uhamisho wa kipa wa Gent, Matz Sels,
24, kwa pauni milioni 5 (Daily Star).
CRYSTAL Palace huenda wakashindwa kumsajili mshambuliaji wa
Ubelgiji Michy Batshuayi, 22, licha ya kutoa dau la pauni milioni 30. Klabu
yake Marseille inataka kumuuza kwa klabu inayocheza Champions League (Croydon
Advertiser), Batshuayi badala yake atasaini kujiunga na Tottenham (Daily Mail),
Crystal Palace wako tayari kumtaka winga wa Newcastle Andros Townsend, 24
(Chronicle).
 |
| NOLITO |
CRYSTAL Palace wanakaribia kukamilisha usajili wa kipa Steve
Mandanda, 31, kwa uhamisho usio na malipo kutoka Marseille (The Guardian),
meneja mpya wa Everton Ronald Koeman anataka kumsajili winga kutoka Poland
Kamil Grosicki, 28. Mchezaji huyo wa Rennes anaweza kupatikana kwa pauni
milioni 10 (Liverpool Echo).
Kipa kutoka Uholanzi Maarten Stekelenburg, 33, huenda
akaungana na meneja wake wa zamani Ronald Koeman, baada ya kucheza kwa mkopo
Southampton msimu uliopita akitokea Fulham (De Telegraaf).
Matumaini ya Sunderland kumrejesha tena kiungo Yann M’Villa,
25, aliyecheza kwa mkopo Light msimu uliopita yameongezeka baada ya mchezaji
huyo kufanyishwa mazoezi peke yake katika klabu yake ya Rubin Kazan
(Chronicle), Roma wanakaribia kukamilisha usajili wa beki wa Manchester City
Pablo Zabaleta, 31 (La Gazzetta Dello Sport). Tetesi nyingine kesho
tukijaaliwa.
Post a Comment