Siku China Wakichukua Kombe La Dunia Usishangae. Sababu Ni Kama Hii Hapa

China ni nchi ambayo inajengwa kwa dhamira. Wakidhamiria kufanya kitu fulani, watafanya kila linalowezekana kufanikisha. Ni miongoni mwa mataifa ya watendaji. Wanaongea lakini huku wanaongea,wanatenda. Waliwahi kudhamiria kuwa miongoni mwa mataifa yenye nguvu ya kiuchumi dunia. Leo sote tunajua wapo wapi.
Hivi sasa China wamedhamiria kuja kuchukua ubingwa wa soka duniani kwa maana ya Kombe la Dunia la Soka (Soccer World Cup). Ni dhamira na dira ambayo inaungwa mkono na Rais wao Xi Jinping ambaye ni mpenzi wa mpira toka utotoni.
Zipo nukuu ambazo zinasema Rais Xi Jinping aliwahi kusema mojawapo ya ndoto zake kuu ni kuona China ikiwa mwenyeji wa Kombe la Dunia na hatimaye kushinda kombe hilo. Mpaka hii leo China iliwahi kushiriki katika fainali za Kombe La Dunia mara moja tu. Ilifanya hivyo mwaka 2002 wakati michuano hiyo ilipofanyikia Korea Kusini na Japan. China walitoka kapa bila kufunga hata goli moja.
Miaka miwili iliyopita serikali ya China ilitangaza kwamba soka ni sehemu ya mitaala mashuleni. Hivi sasa wapo katika programu za kujenga viwanja na programu za mafunzo ya soka katika shule zaidi ya elfu ishirini (20,000). Miradi na programu hizo zinalenga katika kuibua wachezaji wapya wa soka zaidi ya 100,000 na ambao watajikita katika kuiletea China hiyo heshima inayoisaka.
Mbali ya programu hiyo ya kiserikali na bila shaka kwa shule za serikali, zipo shule binafsi ambazo zinaelekea kufuata mkondo huo. Mojawapo ni Evergrande Football School(sisi tunaziita hizi Academy). Shule hii iliyopo Qingyuan, Guangdong,China (Kusini mwa China) ndio Football Academy kubwa kuliko zote ulimwenguni. Ilifunguliwa rasmi mwaka 2012.

Shule ya Evergrande  Football School inavyoonekana kwa juu. Ina ukubwa wa ekari zaidi ya 300

 Inamilikiwa na kampuni ya Evergrande Group ambayo ni ya bilionea Xu Jiayin ambaye pia anamiliki timu ya Guangzhou Evergrande Football Club.Ni shule ya boarding ya primary na sekondari (full-time boarding primary and secondary football school). Wanafanya mazoezi siku 6 kwa wiki.
Mbali ya soka, wanafunzi wanasoma pia masomo ya kawaida ya darasani kama Kiingereza, Hesabu nk. Mwaka huu China imeongeza soka kuwa miongoni mwa vigezo vinavyoweza kutumika wakati wa mitihani ya kuingilia chuo kikuu. Nia ni kuwashawishi wazazi kwamba soka sio kikwazo kwa watoto wao kimasomo bali kitu chenye kuweza kuwa na faida kubwa maishani mwao.

Sanamu mfano wa Kombe la Dunia ambalo limewekwa nje ya shule hiyo kuwakumbusha wanafunzi kuhusu malengo ya jumla na muda mrefu-Kubeba Kombe La Dunia

 

 

 

 

 

Shirika lisilokuwa la kiserikali la Real Madrid Foundation la Uhispania( yes,la Real Madrid hii hii klabu bingwa ya soka Ulaya) na shirika la SOXNA  jukumu la kufundisha soka shuleni hapo. Zaidi ya makocha 15 kutoka Real Madrid wanapelekwa shuleni hapo kwa ajili ya ukufunzi.

Kutokana na ushirikiano wa shule hiyo na Real Madrid, superstars kama Christiano Ronaldo na timu nzima ya Real Madrid hufanya ziara katika shule hiyo ili kuwatia moyo wanafunzi.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Ni uhusiano ambao unajaribu kupeleka China uzoefu wa kisoka kutoka Hispania na hususani klabu ya Real Madrid. Ni mradi uliogharimu zaidi ya dola $185 bilioni. Shule au mradi huu ulijengwa kwa miezi kumi tu.

Wanafunzi wakipata mlo. Picha zilizowekwa ukutani ni za baadhi ya wakongwe wa soka ulimwenguni. Nia ni kuwaambia wanafunzi, mnaweza kuwa kama hao. Keep working hard. (Picha na Kevin Frayer/Getty Images)

Shule ina ukubwa wa ekari 300 na ushee. Ina viwanja 50 na ina jumla ya wanafunzi 2,600 (wavulana) na 200 (wasichana). Wazazi wanalipia mpaka $ 9,600 kwa mwaka ili kupeleka watoto wao hapo.

Vijana wakiendelea na mazoezi katika viwanja mbalimbali vilivyopo.