TAYARI kocha Jose Mourinho ameshaanza mbwembwe zake
katika kikosi cha Manchester United baada ya kumsajili beki wa kati Eric Bailly.
Lakini
mashabiki wa Man U hawatakiwi kujiaminisha sana kwa Bailly kwamba atakuwa tiba
kwenye suala la ulinzi la timu hiyo. Ni kweli, Bailly, raia wa Ivory Coast ni
mrefu na imara lakini sikia hii; alifanya kosa kubwa mwishoni mwa msimu
uliopita akiwa na Villareal katika mchezo dhidi ya Atletico Madrid,
lililosababisha timu yake ifungwe.
Bailly alipoteza mpira karibu na eneo la hatari Aprili
2016, ukamkuta Fernando Torres ambaye alikimbia nao na kwenda kufunga bao la
ushindi la Atletico katika dakika za mwisho.
Lakini licha ya kucheza mechi chache kabisa (46 tu
kwenye ligi kubwa), jamaa ameshapata kadi nyingi, katika mechi yake ya tano tu
akiwa na Villareal, alipewa kadi nyekundu. Msimu wa 2015-16, alikula kadi za
njano 14 na red mbili. Kwenye vurugu za England hali itakuwaje?
Post a Comment