TETESI ZA WANASOKA ULAYA

Mkhitaryan

Man Utd

MANCHESTER United imeingia kwenye rada za Juventus na Arsenal za kumuwania kiungo wa Borussia Dortmund, Henrikh Mkhitaryan, ambaye amegoma kusaini mkataba mpya na klabu yake hiyo.

CHANZO: Daily Mail

Azpilicueta

Barcelona

BARCELONA imatajwa kumuwania beki wa pembeni wa Chelsea, Cesar Azpiliceuta ikiwa watamkosa Hector Bellerin wa Arsenal ambao nao pia wanataka kumpa mkataba mpya wa kumbakiza Emirates.

CHANZO: Daily Telegraph

Morata

Man Utd

STRAIKA Alvaro Morata wa Juventus anaona ni afadhali ajiunge na Manchester United kuliko Chelsea. Kocha mpya wa kikosi cha United, Jose Mourinho amekuwa akitajwa kuwa moja kati ya wachezaji walio kwenye mkakati wa kuwasajili ni Morata.

 CHANZO: Onda Cero

Denis Suarez

Barca

MABINGWA wa La Liga, Barcelona imefanya makubaliano na straika wa Villarreal, Denis Suarez kwenye ishu ya mshahara. Staa huyo atakuwa mchezaji wa kwanza kusainiwa kwenye kikosi hicho.

CHANZO: Sport

Nani

Man United

KOCHA mpya wa Man United, Jose Mourinho anataka kumrudisha winga wa zamani wa kikosi hicho, Mreno mwenzake, Nani anayekipiga Fenerbahce.

CHANZO: DHA, via Talksport

Batshuayi

Chelsea

CHELSEA ipo tayari kuweka fedha mezani pauni milioni 31 ili iweze kumnasa straika wa Marseille, Michy Batshuayi. Nyota huyo mwenye miaka 22 pia anawaniwa vikali na klabu za West Ham na Tottenham zote zinashiriki Premisership.

CHANZO: Daily Mirror

Vardy

Arsenal

MSHAMBULIAJI wa Leicester City, Jamie Vardy ambaye anawindwa na Arsenal kwa udi na umvumba, amejipanga kuipiga chini ofa ya kujiunga na The Gunners. Imeripotiwa kuwa Arsenal wapo tayari kutoa pauni milioni 20 na mshahara wa pauni 120,000 kwa wiki ili impate lakini nyota huyo ameambiwa na wenzake abaki King Power.

CHANZO: Evening Standard

Darmian

Juventus

MAN United imeripotiwa kutaka kumtumia beki wake Matteo Darmian kama chambo ya kumpata kiungo wa Juventus, Paul Pogba. Imeripotiwa kuwa Darmian alikuwa akichunguzwa na Juve sasa Kocha Jose Mourinho anataka kutumia nafasi hiyo ili kufanikisha upatikanaji wa Pogba pamoja na kuongezea fedha kidogo.

CHANZO: Evening Standard