Stand United yavuta silaha nne

 

TIMU ya stendi united imeanza rasmi usajiri wa wachezaji ambapo tayari imewanasa wachezaji nane kutoka timu mbalimbali ikiwemo   wachezaji wawili waliochezea  msimu uliopita timu ya  Toto  sports club.

Wakiongea na waandishi wa habari hapo jana  mwenyekiti wa timu hiyo  dkt Ellyson  Maeja alisema kuwa  wameanza usajiri wakupata wachezaji wa timu hiyo kwa msimu unaokuja.

Alisema  katika usajiri uliofanyika vijana nane wamesajiriwa tayari  ikiwa wawili kutoka timu ya Toto sports club ya jijini Mwanza,watatu kutoka timu ya mgodini Bulyanhulu  Fc na wengine watatu kutoka Mgodi wa North Mara.

“Mchezaji Miraji Musa na Erick Muriro walikuwa wakichezea timu ya Toto Sports club, John  Mtobisya,Paul Salamba na Charles Minza walikuwa wakichezea timu ya Bulyanhulu FC kutoka wilayani Kahama mkoani hapa na wengine watatu watafika kesho kutoka  timu ya mgodini North Mara ”alisema Maeja.

Naye katibu  wa timu ya Bulyanhulu  Dickson  Lusingi  ambaye ni meneja wa wachezaji hao alisema kuwa John  Mtobisya    nafasi atakayochezea ni  beki,  Paul Salamba  nafasi yake ni Fowadi,Charles Minza ni  golikipa.