TETESI KUTOKA BARANI ULAYA

ARSENAL wako kwenye mazungumzo ya kutaka kumaliza kabisa uhamisho wa wachezaji wawili wa mabingwa wa Premier League Leicester kwa kumuulizia winga Riyad Mahrez, 25, achukuliwe pamoja na mshambuliaji Jamie Vardy, 29.

(Chanzo Sun)

Washika Bunduki wa London wanaamini kuwa Vard atatia saini kwenye klabu yao kabla ya kuanza kwa mashindano ya Euro 2016 siku ya Ijumaa. (Chanzo Telegraph)

Bado hayajatolewa maamuzi yoyote kuhusu hatma ya Vardy. Mshambuliaji huyo ameahidiwa ofa ya kulipwa paundi 120,000 kwa wiki na washika Bunduki. (Chanzo Leicester Mercury)

Leicester wanamtizamia mshambuliaji wa Watford Troy Deeney, 27, kama mbadala wa Vardy. (Chanzo Telegraph)

Kocha mpya wa Manchester City, Pep Guardiola amepewa sifa na mwenyekiti wa klabu hiyo, Khaldoon Al Mubarak kuwa ataibadilisha klabu hiyo na kuipeleka level nyingine. (Chanzo City TV)

Guardiola anatizamia kuimarisha zaidi safu yake ya kiungo kwa kumsajili Toni Kroos, 26, kutoka Real Madrid, huku Fernando, 28, akiwa anahitajika na klabu za La Liga Villareal na Valencia. (Chanzo Manchester Eveing News)

Winga wa Chelsea Eden Hazard, 25, ameondoa ule uvumi uliokuwa ukimuhusisha na kuhamia Paris St-Germain baada ya kusema “PSG haiko kwenye mipango yangu sababu bado najisikia vizuri kuendelea kuitumikia  Klabu yangu ya Chelsea”. Kiungo huyo anaonekana kukubali kuendelea kufanya kazi na kocha mpya, Antonio Conte. (Chanzo Telefoot)

Klabu ya Chelsea imefungua mazungumzo juu ya uhamisho wa Alvaro Morata kufuatia klabu ya Arsenal iliyokuwa ikimnyatia nyota huyo pia kuonekana kuhamia kwa straika wa Leicester City, Jamie Vardy. (Chanzo Telegraph)

PSG wanataka kumshawishi kiungo wa Leicester N’Golo Kante, 25, kwa kumpatia ofa ya mkataba wa miaka mitano ili aichezee timu yao msimu ujao. (Chanzo Daily Mirror)

Zlatan Ibrahimovic amewaambia mashabiki wa Manchester United kuwa tamko lake kubwa ataliachia rasmi siku ya kesho Jumanne. (Chanzo The Sun)

Kipa aliye kwenye kiwango katika kikosi cha Manchester United, David de Gea, 25, kuna uwezekano akaendelea kubaki Old Trafford baada ya Real Madrid kuamua kuachana na kulipa pauni millioni 39 za kutengua kipengere cha kumnunua kwenye mkataba wake. (Chanzo AS)

Unataka tukuletee tena habari hizi hapo kesho? Basi acha uchoyo, Gonga “LIKE” halafu “SHARE” na marafiki zako wapenda soka waone habari hizi.