Baada ya kutua kwenye ndege Yanga yakodi ‘vipanya’

MSAFARA wa timu ya Yanga umewasili salama jijini Mwanza tayari kwa kuwakabili Mwadui keshokutwa Jumamosi huko Shinyanga lakini kubwa zaidi ni ishu ya ‘Wakimataifa’ hao kukodi daladala aina ya vipanya.

Ishu hiyo ilitokea asubuhi ya leo ambapo Yanga ilisafiri alfarjiri kutoka Dar es Salaam kwa ndege ya Fastjet lakini walipofika Mwanza hawakukuta basi ambao lilikuwa likitarajiwa kuwapeleka hotelini na kisha Shinyanga kwa ajili ya michezo miwili ya ligi kuu, mmoja ukiwa dhidi ya Mwadui utakaopigwa keshokutwa Jumamosi na mwingine dhidi ya Stand United.

Baada ya kuona basi lao halijafika, Yanga walilamzika kukodi daladala aina ya vipanya tatuambazo ziliwapeleka hotelini wakisubiri basi la timu liwapeleke Shinyanga!

Vipanya ni daladala ndogo ambazo kwa Dar zimezuiwa kufanyakazi katikati ya jiji na kwenye barabara kubwa hivyo zinaonekana zaidi maeneo ya ndanindani mwa jiji.